Hirubideko komunitate agurgarria:
Valentzian izandako uholdeen ondorioz jasandako kalteengatik, hainbat eskolatan
oinarrizko materialak eta baliabideak falta dira, eta gure elkartasuna eta laguntza behar
dituzte. Egoera horren aurrean, gure ikastetxean elkartasun ekimen bat abian jartzea
pentsatu dugu, hango ikasleen beharrak arintzen laguntzeko.bilketa
Horretarako, gure ikasleen eta familien artean osasun eta higiene produktuak
(esaterako, xaboiak, konpresak, xanpuak, toallatxoak, …) eta eskola-materiala
(koadernoak, boligrafoak, motxilak, arkatzak, karpetak, estutxeak, etab.) biltzeko
kanpaina bat egitea pentsatu dugu. Bildutako material guztia Valentziako eskolei
bidaliko zaie, han sortutako beharrak asetzeko eta haien eskola-jarduera
normaltasunez berreskuratzeko.
Gure ikasleen artean elkartasuna eta komunitatearen aldeko jarrera sustatzeko aukera
aproposa izan daitekeela uste dugu.
Materiala idazkaritzan bilduko da eta egiteko epemuga azaroaren 14a izango da.
Kanpainan parte hartzeko interesa baduzue edo informazio gehiago jaso nahi baduzue,
jarri gurekin harremanetan zaloalopezdemunain@hirubide.eus helbidean. Pozik
emango dizuegu behar duzuen informazio gehigarria.
Eskerrik asko zuen arretagatik eta ekimen honetan parte hartzeko aukera
aztertzeagatik. Elkarrekin, gure ekarpen txikiak handi bihurtu ditzakegu, Valentziako
ikasleen premiei erantzuteko.
Adeitasunez,
Laguntza Batzordea
HIRUBIDE BHI
Hirubide ikastetxeko web orria