Hezkuntza Sailak ikastetxeetako Eskola Kontseiluetako kideak aukeratzeko hauteskunde-prozesua ireki du. Urriaren 9an EHAAn argitaratu dira EAEko ikastetxeetako eskola kontseiluetako kideak aukeratzeko hauteskunde prozesuaren deialdiaren aginduak. Agindu horiek, araudia eta dokumentu osagarriak Hezkuntza Saileko web orrian daude.
Eskola Kontseilua eskola-komunitateko kideek (gurasoek, ikasleek, irakasleek, IGE, Udaletxeak,…) osatzen dute eta ikastetxeko eskola-bizitzan eragina duten funtsezko erabakiak hartzeko ardura du. Ikasturtean zehar 3-4 bilera egiten dira, ordu betekoak.
Ikastetxe guztietan, hauteskundeak 2024ko azaroaren 7tik 25era bitartean egingo dira, eta ikastetxeko eskola kontseilu berria 2024ko abenduaren 16a baino lehen eratu behar da.
Beraz, guraso bezala parte hartu nahi baduzu, mesedez, jarri kontaktuan ikastetxearekin urriak 30 baino lehen: 943899285 edota hirubide@hirubide.eus
Informazio gehiago nahi izanez gero, EHIGE weborrian aurkituko duzue: gomendioak, kartelak, gogoratu beharreko datak…
Zuen seme-alaben hezkuntza-komunitatean parte hartzera animatzen zaituztegu!